En 2009 aprobouse unha ordenanza municipal de uso dos espazos públicos que contiña importantes directrices para o funcionamento acaído da capital. Estes son algúns dos conceptos que desenvolve:
- A mobilidade motorizada individual e colectiva efecturarase de xeito que se diminúa o impacto sobre a colectividade e se faga compatible cos demais usos do espazo público.
- As políticas municipais estarán guiadas por estes obxectivos:
- Eliminar ou minorar os problemas de seguridade viaria, reducir ao máximo os ruídos e molestias, e compatibilizar a actividade residencial e de uso e goce dos espazos públicos.
- Algunhas medidas eficaces serán as seguintes:
- Reducir a velocidade a 30 km/h.
- Eliminar o tráfico pesado nas zonas de alta densidade residencial, desviándoo por outras vías.
- Eliminar o tráfico de paso nas zonas de alta densidade residencial ou comercial.
- Declarar zonas de preferencia peonil, eliminando os tráficos non necesarios para o servizo da propia zona.
- Facilitar ao máximo os servizos motorizados necesarios para a actividade residencial e económica, disuadindo os usos de oportunidade ou comodidade.
- Usos necesarios para a actividade residencial e económica son os que permiten o funcionamento da cidade nas condicións esixidas pola sociedade actual (desprazamentos a garaxes, desprazamentos necesarios en vehículos motorizados, carga e descarga de mercadorías, reparto a domicilio, mensaxería, carga e descarga de obxectos pesados en vehículos privados cando non se dispoña de garaxe propio, mudanzas e servizos a hoteis.
